√ Khâvel țhuoitu chun ama le ama ânringzo tâwk hlak a.
Kristien țhuoitu ruok chu ama le ama inhnâwlin Pathien a chau ringzona an nghat hlak.
√ Khâwvel țhuotu chun mihriem a hriet chieng a.
Kristien țhuoitu ruok chun Pathien chau a hriet chieng.
√ Khawvel țhuoitu chun ama dit tlangna in thu thlukna a siem a.
Kristien țhuoitu ruok chun Pathien ditzawng nghakin thu thlukna a siem lem hlak.
Khawvel țhuoitu chun insang taka thaw chu hratna in a ngai a.
Kristien țhuoitu ruok chu inpha hnuoi taka hratna dan a hriet.
√ Khawvel țhuoitu chun thupek insuo chu inhawi tiin a hlimpui a.
Kristien țhuoitu ruok chun Pathien a thununna chu a hlimpui.
√ Khawvel țhuoitu chun mi mal hamțhatna ding a zawng a.
Kristien țhuoitu ruok chun Pathien le midang hamțhatna ding chu a zawng lem hlak.
√ Khawvel țhuoitu chu a khatin a ngir a.
Kristien țhuoitu ruok chun Pathien a ringsan.
...................................................
MI HAI TA DINGA CHAN
Kum zakhat (100years) lai zet lo fe liem ta hnu khan, Japan ramah tuifinriet/tuisuoriet kamah hin putar pakhat a um a. Tlang pawng insang a hin in a nei a, a kawl vel a hin huon le thlai hai nei in bu a chieng ta a. Nikhat chu tuisuoriet chung zawn tak a chun thli hrang tawm inthim sa mup chu sum ang hin a hmu ta a. Thli lei a harsatna nasatak lo tuok hlak ta ni leiin, chuong anga inthim samup hung um chun thli hrat tak a um ding ti chu a hriet chieng ta hle el a. Ama a chun beiseina hrim a nei ta nawh. Chu tuipui pang a in le lo, bul le bal nei le nga mantu hai le a se vela mipui hai chu anthi vawng ding ti chu a hriet in, bu hmun hai chu a hal hmang ta ringawt a. Chu lai mipui hai chu kang mei țhel ding chun tlangah an kai khawm ta a. Tlang an thlung hnung hun iem a ni hnung chun thlipui na em em in a hung hrang ta a. Tuipui kamah in le lo um hai chu a rengin, hmu nawk ding um talo khawpin tuipui infawn in vawrsuok chun a chim in, a lenhmang vawng ta a. Putar chun, "Hi thil hi thlung ngei dinga ka hriet chieng leiin ka lo a hal hmang a nih" a ti ta a.
A bu le in le lo chu a chan ta vawnga, amiruokchu mitamtak hringna a sanhim ta lem a nih.
(Story) Chanchin hi a tiem an hawi hle ti raw.? Ei Bible chun "tukhawm a chan taphawt chu humhimin um anta, a hum taphawt chu chan an tih" a ti kha hre zing pumin, khi chanchin ei ziek khi tiem nawn nawk rawh. Tisa thil hai rawhmang ngamtu chu amimal chau a dam naw a, mi dang khawm andam ve a nih. Putar pa in thli hrang ding a hmu chieng ang khan, krista mi sandamtu hi hrie chieng tum ei tiu. Chu zet chun ei ni chau ni loin, ei ram le hnam khawm a dam ding an nawm....!
...................................................
HRE ZING HLAK RAWH
1. Hne a um thattu chu la thlawm ngei a tih ti hre rawh.
-Nepoleon
2. Ei nun a thil iengkim hi ți ding a ni naw a, hrethiem lem ding a nih.
-Marie Curie
3. Lekhabu umnaw na in chu, in, tukver neilo ang a nih.
-Horace Mann
4. Lekhabu hi ruol nghet le ri zawi tak a ni a, thurawn petu var tak le zirtirtu dawthei tak a nih.
-Charles William Elliot
5. Kohran hi misuol hai din damdawi in a ni a, mi thienghlim hai di Musseum a ni nawh.
-Abigail Van Buren
6. Mi in kohran hi nu in a nei naw chun Pathien hi pa in nei thei naw nih.
-Cyprian
7. Pathienin Kohran hi khawvelah a țhut a, Setan ruok chun khawvel hi kohranah an țhut ve thung.
-G.Grant
8. Hmangai lovin kan pei thei a, pei lovin hmangaina an thei nawh.
-John Wesly
9. Thilpek hi chi thum a um.
A. Thawlui lei a pek.
B. Thaw ani leia pek.
C. Lawm tak a pek.
-Robert N Rodenmayer
10. Pathienin kut pahni a pek na san chu, pakhat chu thil dawngna, pakhat thilpekna.
khawlkhawm dingin ami ti naw a, peksuok dingin a mi ti lem.
-John Wesly
...................................................
Hieng ang nunramah nun hmangtu ni thei din tiemtu hai ditsakna ei inhlan.
Ziektu- Jringum Tuolor.
No comments:
Post a Comment