TATA MOBILE ACCIDENT

Date 12 August, 2015(Wednesday) 1:00pm Vawisûn khan Harangajao kâwl Rangapur lai Dittokcherra Servicing TATA Mobile chu khal suolin  accident a nih.

TATA Mobile hi  Shri.Baanu Dittokcherra ta anih a, Driver ruok chu midang ankhaltir a nih. Driver hi Local mi a ni nawh a, hmun dang mi a nih.

Thu chieng ei hriet dân in, motor hi Passengers mi pariet (8) phurin, Harangajao pan a fe anih a. Harangajao tlung hma Rangapur hmun a accident anih. Thi le hliem nasa ruok chu an um nawh. Driver hi hriet dân chun mi ang bêk lo a ni bâk a, naupante el a la nih a. Zîngtieng Dittokcherra a inthawk ta khan a chângsuol ta nghâl a, thingpui Hotel tuol a mi dâi a bâw țan nghal a nih. Fe peiin Harangajao tlung tâwm Rangapur anti na hmun a chun Auto a hung a, lam chu an têp hle a. Auto chu a hung tlung hma in site a lo pêk Advance a. A lâwnna ding lam chu en lovin Auto chu a en sawng tah a, hrât tak a khalin a handle chu a control zo ta nawh a, leilet kam a chun khal tla in Motor chu a tlu ta a nih. 

Driver hi mi angrak lo ang a ngai a ni leiin, Driver dang dang le hmelhriet, ruol le pai hai chun a motor nei tu Shri. Bhaanu kuomah chun inkhaltir ta lo dingin anhril pek hlak a. Amiruok chu a tleng chuong nawh a, tuta țum hin tuoksiet a tuok pha ta a nih. Police le JCB Driver, ABCI Company hai kuomah tangka tamtak sêngin motor chu lâkdawk hrâm a nih.

Hi motor a hin ei ni Hmar mi, mi pathum anchuongsa ve a nih.

1. Upa. Lalfellien Huolngo

2. Pu. Lalnithang Pudaite

3. Pi. Somi Nampui

Hliem le nat tuok ruok chu an um nawh.