Cont....
Pari chun hang dawn let ve in, tapzai vawrin sawrthla kan awi hnemtu ding reng an umsinawh. Hringmi khawvel piellei dairiela, duthu kasam vel hai tapnan anchang zotasi a. Aw khaw tieng am, tu inam, khawlai am nauang taplai dawn nemthei ding chunnu dar ang vawng ve nawk tang ka ta? Piellei hringmi chang chu insir bangzai rel antak ngei e. Zaleng dang hai kim ten anleng. Tlir chang ni hin, inrun sang anbel. Kei chun ka tlirin ka bel ngam sinawh. Raira kan rieng ni hin. Iengkim ka ruot ta po hai hi lungaina chau in parang avul ve ta si a. Damsan umlo, beiseina tlawn bawksi. Rethei le vakvai taka hringkhuo hmanghi tuor aharsa ngei e. Hi ka taksa ve khawm hithamralin um ve sien ti nghakhla em em a, asie le tha chu ka hriet ve an nawm. Sienkhawm ka dawn lungrukin ado zo chuong si nawh. Dittak hmangai parte ieng dinga anrieng ka hringnun ii imi la dawnkir zing am ana? Ka dem naw che in ka hmupei naw che an naw a,hmangaina leia isulhnunga arang invai zing nek chun fampiellei changa piellei Thuoriet hnuoi a samang zal a, anih hmelma nuhnungtak thina hne a, hnena tumkau chawi a chungkhuonu runa lo lawi a, hnena tumkau le tawnlairang kimten thangsuopuon le darang lo tawng ding che in anih. Chu hmun ngeia runhmun biethu tiem lemg dingin longhak lem tang ka che. Imi hmangai an nawm, sienkhawd ka sel chuong naw che a, nang ang rengalung min lengtu le nau ang mihnemtu an umsinaw thangthar le tharzaleng ruol han ankhum sinaw ce. Lawm Ta lo ding che in ka ngen nawn chd. Kei chu ka chang chang changel lem tang ka ta, hieng anga lungnatna tuor dinga hungseilien ve angin tuorper el lem tang ka ta, hringmi dana insir chu rel antak ngei e. Hmangai lung di lengtin chu ikhumzo ngei e. Nang ang renga lung misuk lengtu hian um ka ring bik nawh. Lengtin khumzo in anrien ta dingin mawi chuong bikinla khawm, cho ruollo le phu lo lungdi chu ilo nisi a.Ka nun hin hieng anga lungnatna Kawl nisuok tin a tuonzai rel le umkhawsawt lungnatna tamtak harsatna tuora, damlai hringnun hmang ral ding reng hi chu kimten ka dawn changin lunglai ruk ana naw thei si nawh. Pi lepu suilung mawla hringmi nauang hung insieng chu aw ka van sir ngei hrimgmi chang hi.