♥♥ Tuoremlo LungDi ♥♥

BUNG-II
_______________________________
Zankhat chu thiemna inzir dingin lengna tlang danga tuonzai ka rel ni chun, umkhawsawt in lung hi anleng em em a. Zan a hung re deu-deu senlai nauang nuiduna lenglai ni hai amin ngaizuol tir hle inka hriet a. Kei anga mirimsi le retheinan a tlakbuok hi an um ve dim aw? Tiin thlase em em in kan ngaituo a. Thanghlui hun le thangthar hun chena ei chuongkai nunram hi ka hang dawnin umkhaw asuksawthle el a. Ko kir thei chang thei silo nunhlui zamuol liem hnung hai. Tuona tlang andang zo ta si a makhat chau a lengnatlang dang muolzapui dana ruol le paiumsilo, nauang mihnemtu ding umbawk silo. Motor rile electrict meivar chau naw chu hmu ding le hriet ding um silo, tuor aharsa hle el aChuonga zansawt tak ka hang thung hnungin, audio (tape) player ka ngaia. Hmarnau zunleng purdoa taplai nauang min awitu,Pi. Nienglawmkim in "ka lal lam miruotpek" ti hla le"Ringin vangkhuo" ti hla thiem em em a amin awi chu ka lung asuk leng nawk zuol a, ka chantawk le ka hnuoi hringnun hmang hai le lo hmang ta hnung hai dawn kir changin unkhuo asawtin, tap khuo a suksei hle al a. Kei hi chu aw ka damlai ni hun sung po te hi hnuoimihringnun hmang danah kahang dawn in vangduoi hi ka ti rum rum hlak a. Vanglai hmel put zolo, hringnun ka chan tawk reng hi tu in am suongin mi bel thei an ta? Tap zai rela, hringnun hmang chatnaw chu hril ding dang hrim a um ve si ta nawh. Kei ka chantawk te hin hi ka hnuoi lungmawl a iengkim ka hang ngaituo chang hrim in. Nauang min hnemtu kan vai ruoi e.
Zaleng ruol han anhriet thiem ve nawh. Tu dang ngailo te in hlimten tuon hmun anrel anvangkhaw runah. Rama chu lunglamvaiin nauang tapin, taksa peinaw angin laikhum zawl a rum ang a nghawr vel.Pari ve hin dawn lungruka kimten a dawn ve dim chumaw! Hriet chu a lova harsa tangei ie, anrieng hmangaina ve hi. Chu zan lungai tlak chung sawrthlaeng vangkhaw zawl a tlangsapui rawtawn ka hrut vel lai in, dawn lungruk chu a lo buoi hle el a. Hmangaina hi hausakna le neina thang loin ansieng ve thei naw am ani aw! Ti hai chen amin ngaituo suok tir a. Taplai nauang innui ve na ka hmu zo bawk si nawh. Khawvela lungnat na le retheina hai hin aw ieng tikam suoksan zai mi rel veng anti aw! Tiin riengten ka lungnatna hai hrilpui ding tu dang reng ka tawng chuong si nawh. Makhat chau a in ngaituo in ka buoi ve em em a. Umkhawsawt lungleng hi chu tuor alo va harsa ngei e. Tawngnawk ni reng chu a sawt ngei maw? Makhat lungleng pur ang ka do zo nawh. Sirva te changa lengve chu nuom ve hlak inlang khawm, sienkhawmhringmi zaleng chu ka lo ni nawk si. Tinkim dawn intuonna tlang andang, thei chang si lo ko kir thei chang zo ta si lo. Nunhlui zamuol liem hnung hai taphla rem a hriet zingna,Thei changvesien lung ve sien hmangai lungdi lengtin singzotu hmangai parte nemten i tangnem a inbei a, ka lungleng biethuhai hril ve ding. Sienkhawm ka ta ding ruok hin chu tuonna tlang andang zo ta. Tak chang zo lo hmangaina ar ang invaipui hi chu aw ana ngei e dawn chanin. Ka dawnsei ngam naw zalengdang hai. Jawpten tuonzai anrel anvang khawzawlah.Thlafam dungthul reng hi dawm lovin zaitin vawrin hrai ang anchawi hlimlai ni hai. Ka dawn sei nagam si naw nauang kan hlimlai ni hai te kha. Tinkim dawnin tuonna tlang andang zota si. Thlemthiem di nunrawng hmangaina puon ang ka lo pawm chu ka lo pawm svol ngei hmangai thlemthiem. Der lungmawlin isaithiem ve sika hmangaina inrieng. Hringmi ka cham sung hin in nghil bangzai rel thei lulnaw ning. Tuoremsa thutin di hai, kumtluong par angin hung vul nawk sien aw di. Sienkhawm hmangai lungdi tuona tlang hai andang zo ta. Anrieng ar ang lawina di run a dei zo ta. Lunglawm vai in di te tapin ka ko zing che. Chun le zuo chawilo,senlai nau angin taphla rem in ei vangkhaw sulhnung ramre ka hung zui. Tiena ei sul hnung hai ko kir thei din ka mawi si nawh. Hlimte a darang ei lenglai ni hai dawn kir in, nunhlui zamuol liem hnung hai. Ka tap khuo sei nan anchang zo ta si.
Dittak hmangai parte kumpui sul zamuol liem hnung hai ka hang dawn changin lung ava leng vawng vawng ngei de' sienkhawm mau ruo ang tuoi thar imawi ve ta si nawh. Hmangaina inrieng te hi parang vulin du-aisam kim lo te in, zamuol liemzai rel lul sienkhawm. Hmangaina chawnban a inchel a, thu tin ei hril dun lai ni hai te kha dawn kir changin tuor ana ngei ie. Kan zuom lul naw tuornep ve din. Sienkhawm phulo i-du-ai-sam chu ka lo tling zo nawh. Hmangaina inrieng te hin fam piellei a chang kumkhaw ding chu dawn changin lunglai ana nei e. Derthiem in rinumna piellei a tuon zai reng rel ding chu tuor ana ngei e. Lengdang hai tuon rel ka tawng changin hmangainainriengte hi aw anain anrum harsatna piellei thuoriet chunga i sulhnung maten ka fang nihin.