DON'T TELL ME STOP LOVING YOU

Don’t tell me to stop loving you

Khalai hun le ni kha ieng ni le hun am ti chu ka hriet el thei tanaw a nih, ka hriet sun el chu frame mawi tak el a min hlan ni a nih lei a ni a. Kei khawm a rul na dingin thil țha tak thawpek ve ni in kan hre bawk a. Khalai hun le ni kha chu kan hlim kher el.! Theinghil ngai
ta naw hrim hrim a lo ni hi. Chu frame a chun
hi thu hi alo inziek a;

"Sweet memory- Just- Have u
Oh my love my darling
I’ve hungred for your touch a long
And times come by slowly
And you still mine
I need you love."

Vawikhat chau el hmangai leh ngaihzawng nei
ngailo hai ding chun hieng ang tluka thuril le ngaium hi um thei chuong bik a tim maw.! Min hlan ni te khan ka hawng phal el ta naw a, a
ruktein inah ka hawng ruk dem dem a, en khawm kha ka ngam țha mang ta naw a! A mak khawp el hieng ang em em a ka nun sukdanglam a,
vawikhatna a ta din a khawvel thar siem pek tu kha tu chen hin ka hmu ta ngai si nawh, hmuh
khawm chu kanring der ta naw a nih lem. Hmu tum khawm ni inla ngaizawng dang buoipui dingin hun ka nei thei ta awm si nawh a.
Ka ruol hai ngaizawng le ka hang inkhi kuol vel khawm hin ka ngaizawng ang el a mi sukdanglam theitu hi tawng nawk kan ring chuong naw!

"Tell my heart to stop beating
Tell my mind not to think
Throw a stone in the ocean
And tell that stone not to sink."

Vawikhatna a din lungril le thlarau po po in hmangai ka nei ve a ni a. Vawikhatna a din ka
thuruk ka hril a, vawikhatna a din “ka dit che” tiin nuhmei kuomah ka hril a. Ka hma a chun ngirin a mi kuo a. Ka kuomah chun ngirin min nui sen sen hmel in ka hmu a.
Vawikhatna a din thingpui mi petu hmasatak a ni a.
O.. Kata ding chun iengkim el a  khan a hmasatak a ni vawng si a, iengkim el a khan mi zirtirtu a ni si naw maw! Zanah insukhlim dingin Mela a kan fe hmunkhat ta a, vawikhatna a din nuhmei Mela ah ka fe pui hmasatak a nih a. Vawikhatna a din nuhmei ka phur
chu ka rau ta bur bur a, vin hlawk hlawk khawpin ka hal a. Vawikhatna a din nuhmei kuomah chun “mi ngaidam rawh aw” ka ti a. A hmasatak a din a biengah ka fawp ta a nih chu!

"Tell the world to stop turnin’ around
Tell the sky not to be so blue
Tell the rain to stop fallin’ down like tears
But don’t tell me to stop lovin’ you
Don’t tell me to stop lovin’ you."

Kum dang a chun Krismas a hung thlung chun mani in seng a ei um a, in innghil el chu ka hmabak kha
a ni a. Anih naw chun TV en a, phun zup zup kha a nih a. Sienkhawm vawikhatna a din nuhmei Krismas ka hmangpui a, vawikhatna a din Arsa ka zeupui ve ngei a. Vawikhatna a din zan ka lengpui
a. Vawikhatna a din ka bike a nuhmei ka phur a, vawikhatna a din ka ngaizawng ka tlûkpui a ni.
Vawikhatna a fin “mi ring rawh” ka ti a.
Vawikhatna a din lungchim em emin ka hnungah an bei a, vawikhatna a din ka nakawr bulah “ka
hmangai che, fesan ngai nawng ka che” a mi ti a. Vawikhatna a nih ka ring, lawmna leiin ka birnga mittui a luongsuok hial annawm!
Vawikhatna a ding chun kan ro em em hlak, sienkhawm ka nunah a hmasatak chu a lo ni leiin ka theinghil thei der sinaw a. A vawikhatna a ding bawkin thil kan chawk pek bawk a. Grape juice dawnsuolin inrui em em in ka um a,
vawikhatna din nuhmei pakhatin mi țhuoi rawh, a vawikhatna din țhe ka tum a, a vawikhatna din “mi țhe rawh. Hung ti ta ngai naw rawh,
ka țhe theinaw che a ni” a mi ti a. Ka biengah mittui a far hiel annawm!
Ka nun beidawng leh chau em em hi a vawikhatna din lungril na le chau vawng vawngin a siam a. Kur hlawk hlawk khawpa lungril insirin a diriem a. Țap khawm țap suok theilo khawpin a na a. Mittui re ngailoin a siem a. A vawikhatna din nuhmei
leiin zu ka dawn a, har ni reng nei loin sunnitlakin ka hmang hlak! A vawikhatna din ringum lo na
nghawkum tak ka hmu a, vawikhatna din ka lungril chu sutsawmin a um a. A vawikhatna
dinga mi țap khumtu khan țapna mi siem a. Sienkhawm ka thla thei si nawh.

"Tell the past to be forgotten
Tell my life not to exist
Tell a promise made to be unspoken
And my lips not to have been kissed"

Ka damsunga thu mi tiempuitu pakhat a um a, chu chu a vawikhatna a din “I ta din ringum
zing ka ta, lo nghak zing ka che” a mi ti kha a nih a! Sienkhawm lungril na takin a mi liemsan ta a! A
ngaina hrelo takin khawvela hin ka um a. Ka taksa khingtieng bo hirl niin kan hriet a. Chuong po po
khawm chu ka nuna vawikhat a thlungna vawng a ni
pei si. A vawikhatna le a hmasatak
a din nuhmei dit takin ka fawp a, ka fawp bang tawp thei ta naw a; a hner se pa chun a hmasatak a din “ka hmangai che annawm” ka ti ta a.
Chuong po po chu ka hun le kum bi
tiemna a hin a vawikhatna le a hmasatak a din sinsiena a lo ni ta a ni. A hming khawm a vawikhatna a din nuhmei hming
tam tak hai lai a ka hriet zing pakhat  umsun chu alo nih a, “ka hmangai che Pieng” tih chu kei din a hun
tawk em em  si! Turuok hin chu a um ve tasi nawh. Ka nuna a hmasatak a din vawikhat a lo lut a,
a mi sukhlim em em hlak a; sienkhawm a mi sukhliem a, sukdam tum nawk siloin a mi liemsan ta vang vang lem si.!
Ka nun hin ngaiin chau pha hiel sienkhawm ka ta a ni tasi naw a, țapin ko hlawp hlawp inlakhawm kir zai a rel ta sinawh. Sienkhawm vawikhat khawm beidawng ve ngailo lungril ruok  hi chu “mangțha
“ a ti ve ta ngai naw reng reng a nih hi!

I can’t do it, I can’t stop
It’s something that love has sealed
Only the broken-hearted know the way I feel
But don’t tell me to stop lovin’ you.