TLAN ZEL RAWH, TLAN ZEL RAWH

A hun lai chuan Derek Redmond pawh hi khawvelin a ngai sang teh a sin. Derek Redmond a hi England mi tlan chak, ram aiawha pawha
intlansiakna a lo tel nual tawh ani a. 1985 kum khan meter 400 ah British record a lo break tawh a.
1985 kum khan Roger Black- an a rawn hnenh a, mahse 1987 kum khan Redmond hian hnehna a lo chang ve leh ta. Tihian Redmond h in tlansiakna ah alo tel nasa tawh a. 1988 kum khan Seoul khawpuia Olympic neih tum khan Meter 400 intlansiakna ah bawk tel heh tuma a
inbuaisah lai in an tlan hma minute 10 ah a kheimit bawrvel a nat tak thut avanagin a tel thei ta lova. Hemi hnuah hian vawili lai zaipui a tawk zui ta nghe nghe a ni. Tichuan 1992 kuma Spain khawpui pakhat Barcelona hmuna Summer Olympic an neih tum khan England ram aiawhin khawvel a champion nih tumin tlangval Derek Redmond chu meter 400 in tlansiakna ah a tel ve leh ta ani. Hemi tum hian Remond a chuan a tum puite hneh chho zelin semi final a lo thleng ta a. Tichuan pakhatna lak tum ngei a semi final ah atlan lai chuan, Redmond a chuan hma a hruaia, mi te pawh in a pakhatna a la ngei dawna an rin
lai chuan, tiamchin a thlen hma meter 250 vel ala duh tih ah chuan thawklehkhatah a kaizatha chu a chat ta phut maia, tlan zui thei lo chuan zawi zawi chuan a thu tla ta riau riau a.
Tichuan medical tem te leh security guards ho chuan khelmual atang chuan zawn chhuah tumin a zawn chhuahna hman rua nen Redmond a chu an rawn pa a.
Mahse Remond a chuan a duh lo.
Zawimuangin alo ding chhuak leha, chak lo tak chungin ke khingkhat chuan a bai phei ta a. A thian te chuan tiamchin chu an tlan thleng vek tawh a, pakhatna pahnihna, leh pathumna, te puan hrait vek a ni tawh. Redmond a chuan pakhatna leh pahnihna leh pathumna pawh ani thei tawh dawn lo tih a hria. Mahse tlan thlen ve hrim hrim chu a tuma. Chutia chak lo tak mai a
ke lehlam nen a bai phei an hmuh chuan mipui sing ruk sangnga chuang zet te chuan a pakhatna leh pahnihna te pathuman te lam an
ngaihsak tawh lova, ding meuhin Redmond a chu an rawn au va, “Redmond tlan zel rawh tlan zel
rawh” ti in an au ri chuan khelmaul leh a chheh vel zawng zawng chu a fankual ruih ruih mai a.

Tichuan nakinah chuan khelmual pawn atangchuan pa pakhat hi khelmual chhungah chuan a
rawn zuanglut thut mai a. Derek Redmond-a chu a va pan.
Security guards ho chuan dan an lo
tuma, mahse chupa chuan “saw saw ka fapa ani, saw saw ka fapa ani” a tia a paltlang luia, tuman an dang zo lo. Tichuan Redmond pa chuan a fapa hlaimpui tuara chak lo tak maia ke khingkhata bai phei tawn tawn mai a fapa chu a han kuaha. “Ka fapa
kan pahnihin kan tlan ang, ka tlanpui ang che”
a tia. A fapa kut chu a darah a dah a zawi muang chuan a chhawm phei ta.
Redmond a pawh chuan ama duat taka rawn kuahtu chu a pa ani tih a hriat chuan a tap ta hawm hawm mai a. Mittui tla chung zel in tiam chin chu an pafa chuan an thleng dun ta ani. Kha mi ni kha Olympic game awm tawh zawng zawnga mipui au nasat tum ber a ni e an ti hial ani.
Tichuan a tuk zing chanchibu tin mai ah chuan tlar hmasa
(Front page) ah chuan Derek Redmond a te pafa
inkuah lai thlalak chu a lo lang ta chuia chuai
mai a.
Pa khatna, pahnihna, pathumna ni lo
mahse mipui in an lawm ber ani an ti.

Unua duh tak, keini pawh kan ringtu nunkawng a
kan intlansiakna ah pawh hian hliampui tuarin
vawi tamtak chu kan chau thin ani tiru.
A changchuan kan thian ten min hliama, a chang
chuan kan rawngbawlpui ten min hliama.
A chang chuan kan nupui kan pasal te, kan fa ten min hliama. Chau ngawih ngawiha kana awm chang a tam thin ani. Mahse Redmond a ang
hian chak lo tak chung pawhin I tlan zel ang u. Pakhatna pahnihna ni dawn lo mah ila, tiamchin kan tlan thlen ve phawt chuan Lalpa chuan
lawman min pe ve tho tho dawn ani.

He thu hi 2007 a USA kan zin tum khan Maryland ah ka sermon na ah ka sawi a. A tawpah inhlanna ka siam a.
Chutah chuan pa upa tawh
tak mai Pu Thangliana hi mittui nen alo ding chhuaka. Tap tuau chung hian “Lalpa ka rinna a
kawngah hian vawi tamtak chu ka ten min hliama, vawi tamtak chu ka thian ten min hlaima, vawi tamtak chu ka tlan pui ka rawngbawlpui ten
min hlaima. Tunah hian pakhatna leh pahnihna chu ka ni dawn lo tih ka hria. Mahse Lalpa min lo la pawm dawn chuan atawpna ber ni tur pawhin ka lo tlan zel ang Nangin min tlanpui la, min lo chhawm ang che aw”...tin țap zawih zawihin a
rawn tawngtaia. Tumah insum thei kan awm lo, kan tap vek ani. Unau kan in tlansiakna ah hian kemahni in kan tlan lo. Kan vanpa hian min tlanpui ani Haleluiah. Kan miitui tin reng te a hmua, kan chaklohna te a
hmu a, kan hliam tuar lai te min en maimai thei lo. Kan in tlansiakna khelmualah alo tlan luta, lawman min petu tur ngei khan min tlanpui ani ..I zam lo ang u. Sual hmelma te hrang mah se, kan thleng ngei ang lawng chawlhna chu. Pakhatna
te, pahnihna te ni kher dawn lo mah ila, tiamchian kan thlen ve phawt chuan Lalpan hnehtu te lawman atan a dah chu min pe ve tho
dawn ani.
Lapan malsawm vek che u rawh se.

____________________________________
By- P L Tlengah Chakchhuak
--------------------------------------------------------------