"AN PHAL NAW MAW"

1. Ngailai bângzâi rêng ka rêl
    thei nawh,
    Aw chun le zuo dungthulin
    maw parte.
    Fam thlipui tâwnah râlang a
    hung lien.
    Tiem lulnaw la aw derna
    ankanêm.

          Aw iengkher in am suilung
             mi tawnah.
             Lunglai i her liem kum
             tluonga din.
             Anphalnaw maw leng
             Run an inlawitir che.
             Ngaibang ka thiem thei
             lul nawh.
             Aw ka hringnun hrim hin.

2. I duaisam hi hre ve lang chu,
     Sawkhlei parte tiem lul naw
     ning hmangainah.
     Rienghlei anka rielang tham
     ral hringnun.
     Vuoia nghak chu laileng rel
     a har ngei.

3. Ngurnun ka thlingzo naw
    hriemmi lai.
    Lunglai herlo ten thlir i liem
    el ding maw.
    Khieng dang i lawisan hnu
    val anrieng hi,
    Nghillo la aw rienghlei ka
    chen na hi.

4. Pur ka dona ei sul a hnu hai,
     Fam changa piellei thuoriet
     hnuoiah zalin,
     Nghil tang ka tim ei tiem
     biethu di hai.
     Lung ka vai na piellei ram hi
     hnung sawnin.

5. Anhril pielral ram hriemtin
     kim nah,
     Kawplai di neilo ieng i hnawl
     a hnu hin.
     Nang ngai suilung lengin
     tawnlairang le,
     I rauthla leng lo nghak lem
     tang kai che.

NB:- Song Composser By :-
Joseph Lalringum Tuolor.
The 05th  August,  2011.
P.Hnachangzol, Ditokcherra.