Suarez.Barcelona forward Luis Suarez chun English Premier League-ah a kir nawk ani khawmin Liverpool-ah tho a khel nawk ding thu a hril.Uruguay striker Suarez hin nikum nipui lai khan The Reds hi suok sanin Barcelona a pan a, Pathienni zan khan Gerrard inthla na ni malam in fawm in charity match an khel ah a thanga Anfield-ah inpak ala hlaw hle.Kum 28 mi chun, "Football-ah hin hma tieng hun hriet a ni naw a, sienkhawm England-ah ka kir nawk ani chun Liverpool team tading bak ka khel naw ding team dang ka zawm naw bawk ding. Fans-hai ngai an um a, an ni khawm ka lungril a an um zing ti an hriet" tiin Liverpool TV kuom a hril.Suarez hin kum thum le a chanve sung Liverpool hi a um chil hman a, season liemta khan Premier League-ah goal 31 thunin an champion teu hle bawk.Pathienni zana charity match an khel hin Team Gerrard le Team Carragher an inkhel a, 2-2 in an indraw. Hi inkhelah hin Team Carragher tadin Liverpool striker Mario Balotelli leh Chelsea striker Didier Drogba-hai chun goal khat ve ve thunin hma an thruoi pui a, Team Gerrard tadin an hotupa Steven Gerrard chun goal hni hi a sut.Hi inkhela hin Liverpool player hlui thenkhat an thang nuol a, Arsenal striker hlui Thiery Henry baka Chelsea captain John Terry-hai khawm an thang.Team Gerrard:Brad Jones, Anthony Gerrard, Glen Johnson, John Terry, John Arne Riise, Kevin Nolan, Steven Gerrard, Xabi Alonso, Ryan Babel, Thierry Henry, Jerome Sinclair. Substitutes: Scott Dann, Ashley Williams, Luis Suarez, Fernando Torres, Charlie Adam, Jay Spearing, Stephen Warnock, Joao Carlos Teixeira.Team Carragher:Pepe Reina, Jon Flanagan, Jamie Carragher, Alvaro Arbeloa, Martin Kelly, Harry Kewell, Stewart Downing, Lucas, Jonjo Shelvey, Didier Drogba, Mario Balotelli. Substitutes: Peter Gulacsi, Luis Garcia, Craig Noone, Alberto Moreno, Gael Clichy, Fabio Borini, Craig Bellamy.
No comments:
Post a Comment